Shallom sokovai...
Projek do kumaraja it anggota jemaat tokou bahagi do monimbaru dot panambang kurita lawatan do gorija sid Poring..
Sid kabun dioti Manuel Akiun sid Borud Tinangol.
Ih no kovazo hizaan dit inono: Akiun Kula, Bahado Bagansap, Dusi Ahau, Yabit Talo, Kedi (pogoreta) Bahado, Inahatan om Manuel Akiun.
29/5/2010..

Shallom sokovai anggota jemaat PCS Kg. Nongkul...
Maiko pentahan sid sokovai dot Kaamatan do gorija tokou inono 4/6/2010, ontok do hari Ampat..
It rancangan do lawatan do gorija sid Poring dot 5/6/2010 omu poh kosunu dino adau dino tu amu po kosukup it siin dot noumpung..Varopo RM150.00 poh...it siin dot kumaraja varo no RM400.00, topot it siwa do van RM550.00

Shallom sokoviai sid ngaran Tuhan Yesus Kristus...
Mangadu do kasampatan dot mengucapkan selamat Kaamatan sid sokoviai anggota jemaat PCS Gereja Nongkul sid songo nopo...
Aharap dot sokovai nga osihat om otomon sid tinoguvangon dit Tuhan Yesus....
Ong kadapat nga muli sid kg...magandaha dot ongo ulun sid kg. om it keluarga tokou....
Om amu olingan dot montupat sid hiza do karamazan supaya asa hal dot amu avantang ot abambaran..
Tuhan mamarakat sokoviai..

Shallom sokovai anggota jemaat PCS Kg. Nongkul Kudat.
Banalko olungui tokou tu minatai no ih Oduk savo di amai Onoting. Dit 23/5/2010.
Suvab om ih lobong ogi. Mintadua tokou supaya sokovai dit gamaon do suvab nga aso kosusaan om mintadua ih dit keluarga di Oduk supaya ih Sundu do Kinoringan monginsasamon om manahak do kakansangan sidioti sokovai.
Ih gorija tokou momozo-bozo dit kosusaan di keluarga di Oduk diti. Humarap do ih kuasa do Kinoringan somul varo sid pilatan tokou sid saralom do kosusaan ko sid kosinangan. Amin.

Shallom sokovai...
Iti no it ongo humatul do gorija do Kinoringan (PCS) sid Nongkul.
Pengkakat sid antad sid dibang ino Ronny Ahkang, Akiun Kula, Ahsun Asang, Kamandan Ungat, Moribun Yabahar om Jukilim Bahado.
Minogom antad sid dibang ino Jasmin Amiu, Moyoyo Oguda, Pirig Yukun, Operal Bagansap, Bahado Bagansap om Manuel Akiun.
Kuasa di Tuhan Yesus ot monunda dioti sokovai.. sopaya pakazon yoti sid kosurutan di gorija PCS Sid Nongkul Kudat. Haleluya...

Shallom sokovai sid ngaran dit Tuhan Yesus Kristus...
Itino it kenosurutan dit dapul gorija tokou rontob dit 9/5/2010....
Nokotonduk no it tulang dot origi...apat ogi it origi ot nokotonduk..
Sukul aso kosongkuto dit ongo tukang, minggu rumikot diti opong it origi dati....
Na opongo poh it origi...taapan po laid... dara sukul ong kosukup it siin gorija dot pangadagang dot boruti...
Mitatabang tokou mintadua supaya uzugan tokou do Kinoringan dot kosukupan do ih gama diti dapul. Ong varo komompuan dit anggota jemaat banalko mokitabang dot sumbangan dot siin dot igama diti dapul. Haleluya..
Kinoringan mamarkat ditokou sokovai..

Shallom sokovai.....
Habal dot olungui sid kampung tokou....Oduh Onguroling minatai di konihab om nokolobong no biano..2/5/10..
Ih kuasa do Kinoringan tokou Tuhan Yesus ot minogodim dau polih sid di Yesus....
Mintadua tokou bahagi di sirang dioti Hana dot avantang it gama dioti sid saralom do kolungusan diti.. om itokou nga momozo-bozo tokou dioti..sid saralam do mintadua om sid gama tomoronong humompit di kosusaan dioti.
Amen.